
فيه 3 أنواع من الـ Lead Magnet:
- Reveal Problem (كشف المشكلة)
- Sample & Trial (تقديم عينات)
- One step of a multi step process (خطوة واحدة من خطوات متعددة)
هقولك إزاي تختار النوع المناسب للبيزنس بتاعك، بس خليك عارف دايمًا إن الـ Lead Magnet بيحل مشكلة واحدة محددة، ومع حل المشكلة دي بيظهر مشكلة تانية، دي اللي بيحلها العرض أو المنتج أو الخدمة اللي إنت بتبيعهم.
1. Reveal Problem: كشف المشكلة
فكر فيها على إنها تشخيص للوضع الحالي.
مثلًا شركة برمجة بتعاني من قلة العملاء بسبب الـ AI: اعمل فحص مجاني لمشاكل موقع معمول بالـ vibe coding، وبعد كده بيع تصحيح المشاكل.
Win-win: إنت والعميل هتكسبوا.
2. Sample & Trial: تقديم عينات
ده بيفيد أكتر مع أنواع الشركات اللي منتجها أو خدمتها عبارة عن حل متكرر لمشكلة متكررة.
لو إنت بتبيع SAAS Product زي POS للمطاعم، هتقدم شهر مجاني، وبعد ما يجربه ويرتاح هيحتاج يشترك علشان يكمل في البرنامج وإدارة المطعم.
حتى الـ E-commerce Brands تقدر تستخدم النوع ده. لو براند Cosmetics (مستحضرات تجميل)، يقدر يطلع مع الـ Orders أحجام صغيرة كعينة من منتجات تانية.
يعني مثلًا لو عميل طلب body scrub، تطلع معاه عينات من منتجات تانية زي الـ tint أو شامبو أو غيره، فلما العميل يستخدمهم ويعجبوه هيطلب منهم مع الـ order الجاي.
3. One step of a multi step process: خطوة واحدة من خطوات متعددة
ده بيشتغل أكتر مع الخدمات المعقدة واللي بتحتاج خطوات كتير.
مثال: المقالات اللي بننشرها على موقع MARJIN بتقدم كل اللي نعرفه واللي بنعمله للشركات اللي عندها فريق مبيعات لما بتشتغل معانا علشان نجيبلهم لييدز. لكن في نفس الوقت الشغل ده بيحتاج وقت ومجهود وخبرة علشان تقدر تعمل الشغل بنفسك، وقتها ممكن تقرر تشتغل معانا.
شركة زي أنغامي بتديك وصول لكل الأغاني، لكن مع إعلانات، وبعض المميزات بتكون مش متاحة، فتشترك علشان تسمع من غير إعلانات أو حاجة تقاطعك.
النوع ده بيشتغل كويس جدًا مع شركات الخدمات أكتر، وبرضو لو اتعمل صح في الـ SAAS Products.
4 طرق تقدم بيها الـ Lead Magnet
أي نوع من التلاتة ممكن يتقدم بواحدة من الطرق دي، أو بخليط منهم:
- Software & Tools: Tool بتحسب حاجة للعميل، أو Assessment بيقيّم وضعه الحالي، أو Template جاهز. والـ Tool ممكن تسأل العميل شوية أسئلة وتقوله هو في أنهي مرحلة، وإيه الخطوات اللي محتاجها.
- Information: Guide، أو Mini Course، أو مقالة، أو Checklist. بتتعمل مرة واحدة وآلاف الناس تستفيد منها، فتكلفة توزيعها شبه صفر.
- Services: تنفذ للعميل شغل حقيقي مجانًا (تفاصيلها تحت).
- Physical Products: حاجة العميل يقدر يمسكها بإيده، زي كتاب أو هدية أو عينة.
الـ Services كـ Lead Magnet: الطريقة اللي الناس بتتجاهلها
إنك ببساطة تقدم خدمة مجانية. تعمل شغل حقيقي للعميل، من غير ما تطلب منه فلوس في البداية. وده بيخلق Goodwill وثقة كبيرة جدًا.
بس كل ما أتكلم عن الفكرة دي، ناس كتير بتعترض وتقول: “أنا مش هشتغل ببلاش.” و”أنا مش عايز أضيع وقتي مع ناس بتدور على المجاني.” وطبعًا مش مطلوب منك تشتغل مع أي حد مجانًا. إنت المفروض تقدم الخدمة المجانية للـ Qualified Prospects فقط.
تخيل معايا العميل المثالي بالنسبة لك. أكيد عايزه يكون عنده Budget مناسبة، ويكون عنده Authority يعني يقدر ياخد قرار الشراء، وعنده Need حقيقي للخدمة، وكمان عنده رغبة إنه يبدأ دلوقتي. لو إنت بتقدم الخدمة المجانية بس للناس اللي بتنطبق عليهم الشروط دي، إيه المشكلة؟ بالعكس، ده ممكن يبقى قرار ممتاز.
ممكن مثلًا تقدم Free Audit فيه جزء من التنفيذ، أو خدمة بسيطة تخلصها للعميل في نفس اليوم، أو جزء صغير من Done-for-You Service. يعني بدل ما تشرحله بس يعمل إيه، إنت تنفذله حاجة فعلًا.
تعال نحسبها بالأرقام
افترض إن عندك خدمة بسيطة بتاخد ساعة شغل من موظف عندك، والساعة دي بتكلفك 25 دولار. لكن لو كنت هتبيع الخدمة دي للعميل، كان ممكن سعرها يبقى 250 دولار أو أكتر. يعني إنت بتقدم للعميل خدمة قيمتها السوقية 250 دولار، وتكلفتها الحقيقية عليك 25 دولار.
دلوقتي افترض إنك قدمت الخدمة دي لأربع أشخاص، وواحد منهم اشترى منك الخدمة الأساسية. يبقى إنت صرفت 25 × 4 = 100 دولار. يعني الـ Customer Acquisition Cost من الجزء ده 100 دولار، قبل حساب أي تكاليف تسويق أو متابعة.
هل إنت مستعد تصرف 100 دولار علشان تكسب عميل جديد؟ لو العميل ده هيحققلك أرباح أكبر بكتير، فغالبًا الإجابة آه.
طيب، مش الـ Lead Magnet هيجيب ناس بتدور على المجاني وبس؟
مين قال إن لازم تدي الـ Lead Magnet لأي حد؟ ضيف شوية أسئلة في الـ Form، زي حجم الشركة أو الميزانية المتاحة. لو العميل Qualified، توديه للـ Lead Magnet المناسب. ولو مش Qualified، توجهه لحاجة أنسب للمرحلة اللي هو فيها.
واعتراض تاني: “مش عايز أدي العميل قيمة كبيرة ببلاش”. الـ Lead Magnet مش المفروض يحل المشكلة الأساسية كلها، لأنه لو حلها، العميل مش هيحتاجك. إنت بتحل مشكلة صغيرة مرتبطة بالمشكلة الأساسية، بحيث لما تتحل، العميل يكتشف إنه محتاج الحل الأكبر. وإنت عايز تعرض الـ Core Offer في اللحظة اللي العميل بيكون فيها محتاجه بأكبر درجة.
ولو عملت Lead Magnet وما جابش نتيجة، ده مش معناه إن الـ Lead Magnets مش بتشتغل. ده معناه إن الـ Lead Magnet ده تحديدًا ما اشتغلش، بالظبط زي الإعلان اللي ما جابش نتيجة. وغالبًا المشكلة بتكون في الـ Packaging، مش في المحتوى.
اقرأ كمان: إزاي تسمي الـ Lead Magnet وتحوّله لمبيعات، وإزاي تحدد الفئة المستهدفة، وخدمة Performance Marketing في MARJIN. ولو عايز تتكلم معانا عن شركتك: احجز مكالمة 45 دقيقة.
خدمات مرتبطة: Media Buying · إعلانات سناب شات · تسويق B2B
FAQ
أسئلة شائعة
يعني إيه Lead Magnet؟
حل لمشكلة واحدة محددة عند العميل. ومع حل المشكلة دي بيظهر مشكلة تانية، ودي اللي بيحلها العرض أو المنتج أو الخدمة اللي إنت بتبيعهم.
إيه أنواع الـ Lead Magnet؟
3 أنواع: Reveal Problem (كشف المشكلة)، Sample & Trial (تقديم عينات)، و One step of a multi step process (خطوة واحدة من خطوات متعددة).
أنهي نوع Lead Magnet يناسب شركات الخدمات؟
One step of a multi step process بيشتغل أكتر مع الخدمات المعقدة اللي بتحتاج خطوات كتير، وبيشتغل كويس جدًا مع شركات الخدمات.
أنهي نوع يناسب الـ SAAS والـ E-commerce؟
Sample & Trial بيفيد أكتر مع الشركات اللي منتجها أو خدمتها عبارة عن حل متكرر لمشكلة متكررة، زي شهر مجاني لبرنامج POS أو عينات مع الـ Orders.
الـ Lead Magnet مش هيجيب ناس بتدور على المجاني بس؟
مش لازم تديه لأي حد. ضيف أسئلة في الـ Form زي حجم الشركة أو الميزانية، وقدّم الـ Lead Magnet للـ Qualified Leads بس، ووجّه الباقي لحاجة تناسب المرحلة اللي هما فيها.