01. Segmentation & Targeting
بدأنا نوسّع نطاق الاستهداف بناءً على تحليل العملاء الفعليين.
وبدل ما نركز على المحاسبين بس، بدأنا نخاطب أصحاب الشركات كـ Customer Segment مستقل، برسائل مناسبة لدوافعهم واحتياجاتهم.
من 2,000 ريال إلى 250 ريال للعميل الواحد.
شركة سعودية متخصصة في التدريب والاستشارات، عندها برنامج محاسبة ناجح بقاله سنين.
البرنامج كان بيبيع حوالي 90 اشتراك شهريًا، وسعر الاشتراك 2,000 ريال.
صاحب الشركة كان عايز يوصل لـ 180 اشتراك في الشهر.
لكن المشكلة إن مبيعات البرنامج بدأت تقل، رغم إنه كان بيبيع كويس جدًا في السنين اللي فاتت.
01 / العائق و المشاكل
لما بدأنا نبص على أرقام البيزنس والحساب الإعلاني، لقينا إن الشركة بتعتمد بشكل أساسي على TikTok Ads لجذب العملاء.
لكن الأرقام كانت بتقول إن فيه مشكلة كبيرة في كفاءة الإنفاق:
يعني الشركة كانت بتصرف على الإعلانات تقريبًا نفس سعر البرنامج علشان تبيع اشتراك واحد.
وده قبل ما نحسب تكاليف التدريب والتشغيل وباقي مصاريف البيزنس.
كان ممكن نعمل اللي بيحصل في شركات كتير: نزود الميزانية، نغيّر شوية Creatives، ونجرب Targeting جديد.
بس إحنا شايفين إن زيادة الميزانية قبل ما نفهم المشكلة ممكن تخلينا نصرف أكتر على نفس الأخطاء.
فبدأنا بالـ Diagnosis.
02 / محاولة إكتشاف المشكلة
أول حاجة عملناها إننا رجعنا لقاعدة العملاء الموجودة، وبدأنا نحلل مين اللي بيشتري البرنامج فعلًا.
الحملات كانت مركزة بشكل أساسي على المحاسبين.
لكن لما حللنا العملاء، اكتشفنا إن حوالي 40% من المشاركين كانوا أصحاب شركات عايزين يفهموا المحاسبة والأرقام المالية بشكل يساعدهم في إدارة البيزنس.
ودي كانت نقطة التحول في طريقة تفكيرنا.
إحنا عندنا شريحة كبيرة بتشتري المنتج بالفعل، رغم إننا مش بنكلمها بشكل مباشر في الإعلانات.
فسألنا نفسنا سؤال بسيط:
لو أصحاب الشركات بيشتروا البرنامج من غير ما نستهدفهم برسائل مخصوصة، إيه اللي ممكن يحصل لو عملنا Creatives بتتكلم عن مشاكلهم واحتياجاتهم هم؟
من هنا بدأنا نبني الـ Strategy الجديدة.
لكن التحليل كشف إن الـ Segmentation مش المشكلة الوحيدة.
الـ Creatives الموجودة كانت شغالة بقالها فترة طويلة، ومفيش اختبارات كفاية لأفكار جديدة.
وهيكلة الحساب الإعلاني مكنتش بتدينا وضوح كافي علشان نقارن أداء الشرائح والرسائل المختلفة.
وكمان كان فيه فرصة لتحسين متابعة الـ Leads ورفع الـ Sales Conversion Rate.
يعني المشكلة مكانتش في إعلان واحد محتاج يتغير. كان فيه أكتر من جزء في المنظومة محتاج يشتغل بطريقة مختلفة.
03 / إيه اللي إحنا غيرناه
بدأنا نوسّع نطاق الاستهداف بناءً على تحليل العملاء الفعليين.
وبدل ما نركز على المحاسبين بس، بدأنا نخاطب أصحاب الشركات كـ Customer Segment مستقل، برسائل مناسبة لدوافعهم واحتياجاتهم.
الـ Creatives القديمة كانت بتتكلم عن البرنامج من زوايا محدودة.
فغيّرنا الـ Content Direction، وبدأنا نشتغل على Creative Concepts مختلفة تخاطب شرائح العملاء في مراحل الوعي المختلفة.
مش مجرد تغيير Hook أو مونتاج فيديو جديد.
لكن تغيير الفكرة نفسها، والرسالة اللي بنوصلها للعميل، والسبب اللي يخليه يهتم بالبرنامج.
راجعنا هيكلة الحساب الإعلاني، واشتغلنا على تنظيم الحملات والاختبارات بشكل يدينا Data أوضح.
علشان نعرف أنهي Segments وCreative Concepts بتجيب نتائج أفضل، ونقدر نحسّن توزيع الميزانية بناءً على الأداء.
شغلنا مكنش بيقف عند وصول الـ Lead.
اشتغلنا مع فريق المبيعات على تطوير الـ Sales Scripts، علشان طريقة الإقناع والمتابعة تبقى مناسبة لكل شريحة.
وكمان بنينا CRM يساعدنا نتابع رحلة العميل من أول ما يسيب بياناته لحد مراحل البيع.
وده خلانا نقدر نشوف الـ Data بشكل أوضح، ونربط بيانات الـ Leads بجودتها، ونستخدم المعلومات دي لتحسين الحملات على الـ Qualified Leads بدل الاعتماد على عدد الـ Leads بس.
الفكرة إننا مش بنحاول نجيب Leads أرخص وخلاص. إحنا عايزين المنظومة كلها تشتغل بكفاءة أكبر.
04 / النتيجة
خلال 45 يوم: تكلفة اكتساب العميل قلت 87.5%، والمبيعات اتضاعفت من 90 لـ 180 اشتراك في الشهر.
انخفضت تكلفة الـ Lead من حوالي 40 ريال إلى مستويات بين 3 و10 ريالات في حملات مختلفة.
انخفضت تكلفة اكتساب العميل من حوالي 2,000 ريال إلى 250 ريال.
وصلنا للهدف اللي صاحب الشركة كان حاطه: 180 اشتراك في الشهر بدل 90، يعني المبيعات زادت 100% بنفس سعر الاشتراك.
يعني تكلفة اكتساب العميل بقت أقل بنسبة
87.5%من مستواها السابق.
وبدل ما الشركة تصرف تقريبًا قيمة البرنامج بالكامل علشان تكتسب عميل، بقت تكلفة اكتسابه تمثل حوالي
12.5%من سعر الاشتراك.
يعني الشركة بقت بتبيع ضعف عدد الاشتراكات، وبتصرف على اكتساب كل عميل ثُمن اللي كانت بتصرفه قبل كده.
وده وفر مساحة أكبر لتغطية تكاليف التشغيل وتحسين اقتصاديات بيع البرنامج.
والأهم إن التحسن ده جه من شغلنا على أكتر من جزء في المنظومة، مش مجرد محاولة تقليل تكلفة الإعلان.
05 / النقطة المهمة
ممكن تكون في شريحة عملاء بتشتري منك بالفعل، لكن إنت مش بتكلمها بالطريقة المناسبة.
وده بالضبط اللي اكتشفناه في الحالة دي.
كان عندنا منتج ناجح، وفريق مبيعات، وإعلانات شغالة.
لكن تحليل قاعدة العملاء كشف فرصة جديدة في الـ Segmentation، ومراجعة الأداء وضحت إن الـ Creative Strategy والـ Media Buying والـ Sales Process محتاجين يتطوروا مع بعض.
الدرس بالنسبة لنا بسيط:
قبل ما نزود ميزانية التسويق، لازم نفهم البيزنس، والعملاء، والأرقام، ونعرف إيه اللي مانعنا نحقق نتائج أفضل من الاستثمار الحالي.
وده الفرق بين إننا ندير إعلانات، وإننا نفكر في التسويق بعقلية صاحب البيزنس.
THE MARJIN MINDSET
أحيانًا الحل إنك تفهم مين اللي بيشتري منك فعلًا، وليه بيشتري، وإيه اللي محتاج يتغير في الاستراتيجية والـ Creative والـ Funnel علشان تستفيد من الفرص الموجودة.
وده ليه في MARJIN بنبدأ بالـ Diagnosis قبل ما نبدأ التنفيذ.
YOUR NEXT MOVE
لو عندك فريق مبيعات، وبتصرف على التسويق كل شهر، لكن النتائج مش بتتحسن بالشكل اللي متوقعه، خلينا نفهم المشكلة فين.