THE MARJIN METHOD
مش كل مشكلة مبيعات حلها Leads أكتر.
ممكن يكون عندك منتج قوي، وفريق مبيعات شاطر، وميزانية تسويق كويسة، وبرضه المبيعات مش بتنمو بالشكل اللي مستنيه.
في MARJIN، مش بنبدأ بسؤال “هنجيب Leads أكتر إزاي؟”
بنبدأ بسؤال أهم:
إيه اللي مانع شركتك تحقق مبيعات وأرباح؟
بنحلل السوق، والعملاء، و المنافسين و البيزنس الأول بعد كدة بنحلل الرسائل التسويقية، والحملات الإعلانية، ورحلة العميل داخل الـ Sales Pipeline، والأرقام المالية للبيزنس.
علشان نحدد المشكلة الحقيقية، وناخد قرارات مبنية على بيانات.
دي طريقة التفكير اللي بنستخدمها علشان كل قرار نسبة نجاحه تبقي عالية.
01 / غلطة التشخيص
لما تارجت المبيعات ميتحققش، أول حاجة بيعملوها بيكون:
“محتاجين Leads أكتر.”
فنزوّد ميزانية الإعلانات، ونطلب فيديوهات جديدة، ونجرب منصات مختلفة.
لكن هل المشكلة فعلًا في عدد العملاء المحتملين؟!
لإن ممكن يكون سبب المشكلة ٢٠ حاجة تانية انت متعرفهاش!
لإن ممكن يكون عندك عدد Leads كافي، لكن المشكلة في جزء تاني من رحلة البيع.
بتحاول تبيع منتجاتك و خدماتك لشرائح عملاء مش عندهم القوة الشرائية او الإحتياج الكافي لمنتج
الإعلانات بتجيب أشخاص مهتمين، لكن مش من الشركات المناسبة لمنتجك.
فريق المبيعات بيقضي وقت طويل في التواصل مع Leads احتمالية شرائها ضعيفة.
الشركات المستهدفة عندها احتياج لمنتجك، لكن مش شايفة سبب واضح يخليها تختارك بدل المنافسين.
فالإعلان بيحقق تفاعل، لكن مش بيخلق طلب علي المنتج.
الـ Leads بتدخل، لكن نسبة كبيرة منها مبتكملش لمرحلة الاجتماع أو عرض السعر أو التعاقد.
والسبب ممكن يكون في التأهيل، أو المتابعة، أو تجربة الموقع، أو اعتراضات العملاء.
المبيعات بتزيد، لكن تكلفة اكتساب العميل أو تكلفة التشغيل بتاكل جزء كبير من هامش الربح.
وساعتها زيادة المبيعات مش بالضرورة معناها إن الشركة بتكسب أكتر.
علشان كده، قبل ما نزوّد الاستثمار في التسويق، لازم نعرف العائق الحقيقي للنمو فين.
02 / إزاي بنحدد المشكلة
مش بنقيّم نجاح التسويق من نتائج الإعلانات بس.
بنحلل المنظومة من 3 زوايا مترابطة.
بنبدأ بفهم السوق، والمنافسين، وشرائح العملاء اللي عندها احتياج حقيقي لمنتجاتك أو خدماتك.
بنراجع حجم الفرصة في كل شريحة، وطبيعة المنافسة، ودوافع الشراء، والناس اللي بتشارك في قرار التعاقد.
بنسأل:
الهدف: نركز الاستثمار على الشرائح والعروض اللي عندها فرصة حقيقية للنمو.
مش بنقف عند عدد الـ Leads اللي الإعلانات بتجيبها.
بنراجع رحلة العميل من أول ما يشوف الإعلان، لحد ما يتأهل ويتواصل مع فريق المبيعات، ويطلب عرض سعر، ويتحول لعميل.
بنسأل:
الهدف: نحدد فين الفرص بتضيع، وإزاي نحسّن معدلات التحويل من مرحلة للتانية.
مش كل صفقة ليها نفس القيمة.
ومش كل منتج أو شريحة عملاء عندها نفس هامش الربح أو تكلفة الخدمة.
بنربط بيانات التسويق بالمبيعات والتكاليف علشان نفهم القيمة التجارية لكل قناة وشريحة ومنتج.
بنسأل:
الهدف: نحدد فين نستثمر أكتر، وفين نقلل الهدر، وإزاي نحافظ على الأرباح أثناء ما البيزنس بيكبر و ينمو.
03 / معايير جودة ال Leads
خلينا نفترض إن عندك حملتين إعلانيّتين.
لو حكمنا على الحملتين بعدد الـ Leads و تكلفتها بس، الحملة الأولى هتبان أفضل.
لكن الحملة التانية حققت Leads qualified أكتر بتكلفة أقل لل Qualified Lead، رغم إن عدد الـ Leads أقل.
علشان كدة مش بنعتبر تكلفة ال Lead لوحدها مؤشر كافي على نجاح حملة هدفها تجيب Leads قادرة تشتري فعلا.
هل الشخص أو الشركة مطابقين للشريحة المستهدفة؟
هل فيه احتياج حقيقي، وقدرة على الشراء، وفرصة تجارية مناسبة؟
هل الـ Lead اتحول لاجتماع، أو Opportunity، أو صفقة فعلية؟
وبنتفق مع فريق المبيعات على تعريف واضح لكل مرحلة، علشان التقييم يبقى مبني على نفس المعايير.
بالنسبة لنا، الهدف مش إن فريق المبيعات يستلم أكبر عدد من الأسماء. الهدف إنه يستلم Leads مناسبة ويقدر يشتغل عليها بكفاءة.
الأرقام السابقة مثال توضيحي وليست نتائج فعلية لـ MARJIN.
04 / التنسيق بين المبيعات و التسويق
دي واحدة من أكبر المشاكل اللي ممكن تحصل في الشركات اللي بتعتمد على فرق المبيعات.
فريق التسويق بيقيس نجاحه بعدد الـ Leads وتكلفتها.
وفريق المبيعات بيقيس نجاحه بعدد الصفقات والإيرادات.
ولو كل فريق شغال بمؤشرات مختلفة، ممكن الاتنين يحققوا أهدافهم الداخلية، والبيزنس نفسه ميحققش هدف المبيعات.
علشان كده بنربط أهداف التسويق بمراحل البيع.
عميل محتمل أظهر اهتمامًا وحقق معايير التأهيل التسويقي المتفق عليها.
عميل محتمل فريق المبيعات تأكد إنه يستحق المتابعة البيعية وفقًا للمعايير المتفق عليها.
فرصة بيع لها احتياج تجاري واضح، وموجودة في مرحلة محددة داخل الـ Pipeline.
صفقة اتحولت لعميل فعلي، ونقدر نربطها بالإيرادات.
وبنراجع مع فريق المبيعات أسباب رفض الـ Leads، وجودة المتابعة، ومعدلات التحويل بين المراحل.
مش بنحل محل الـ Sales Team. بنخلي التسويق والمبيعات يشتغلوا على أهداف وبيانات متوافقة.
05 / الأرقام اللي مهم نبص عليها
ممكن الـ Reach يزيد، والـ CPL يقل، وعدد الـ Leads يتضاعف.
لكن لو نسبة العملاء المؤهلين قلت، أو تكلفة الفرصة البيعية زادت، ممكن النتائج التجارية تبقى أسوأ.
علشان كده بنقسّم القياس لـ 3 مستويات.
بنراجع حجم الطلب، وتكلفة الـ Leads، ومعدلات التحويل الأولية، وجودة الاستهداف.
بنراجع:
بنراجع:
ومش بنفترض إن كل الشركات ينفع تتحاسب على نفس المؤشر أو خلال نفس المدة.
لو شركتك بتبيع B2B وقرار الشراء بياخد 3 أو 6 شهور، مش منطقي نحكم على الحملات من المبيعات المقفولة في أول أسبوعين بس.
بنستخدم مؤشرات الـ Pipeline المبكرة، وبنربطها بنتائج الصفقات الفعلية مع اكتمال دورة البيع.
بتوضح أداء الحملات.
بيوضح رحلة الفرص البيعية.
بيوضح القيمة الحقيقية للنتائج.
06 / إزاي بنحرك في محتوي الإعلانات
الـ Creative مش مجرد فيديو حلو أو تصميم ملفت.
هو الرسالة اللي بتخلي العميل يفهم ليه منتجك مهم بالنسبة له، وإيه اللي يميّزه، وليه ياخد خطوة دلوقتي.
علشان كده بنبني كل Creative Concept على 4 عناصر.
مين الشخص اللي بنكلمه؟
صاحب الشركة، مدير المشتريات، مدير التشغيل، ولا المدير المالي؟
كل شخص ليه أولويات واعتراضات مختلفة.
إيه المشكلة أو الدافع اللي هنركز عليه؟
تقليل التكلفة، تحسين الإنتاجية، تقليل المخاطر، ولا تحقيق نمو أسرع؟
إيه القيمة اللي بنقدمها، وإيه اللي يخلي العميل يختار عرضنا بدل البدائل؟
هنوصل الرسالة بفيديو توضيحي، أو مقارنة، أو Case Study، أو Demonstration، أو محتوى تعليمي؟
مثال عملي
مدير التشغيل ممكن يهتم بتقليل الأعطال وزيادة الإنتاجية.
المدير المالي ممكن يهتم بتكلفة التشغيل وفترة استرداد الاستثمار.
وصاحب المصنع ممكن يهتم بتوسيع القدرة الإنتاجية وزيادة الأرباح.
نفس المنتج، لكن دوافع الشراء مختلفة.
علشان كده بنختبر أفكار إقناع مختلفة، مش بس أشكال مختلفة لنفس الإعلان.
07 / إزاي بنفكر في ال Media Buying
بنبدأ بتحديد الهدف التجاري، والمنصات اللي موجود عليها عملاؤك، والميزانية اللي نقدر نختبر بيها.
وبعدها بنشتغل بدورة واضحة.
بنختبر شرائح العملاء، والأفكار الإعلانية، والعروض، والقنوات المناسبة.
وبنحدد لكل اختبار الميزانية ومؤشرات التقييم وفترة القياس المناسبة.
بنراجع جودة الـ Leads، وتكلفة الفرص المؤهلة، ومعدلات التحويل، وبيانات المبيعات المتاحة.
لو الحملة بتجيب Leads رخيصة لكن مش مناسبة لفريق المبيعات، مش هنعتبرها ناجحة.
لما النتائج تثبت إن الاستثمار بيحقق عائد جيد، بنختبر زيادة الميزانية بشكل مدروس.
وبنراقب تأثير زيادة الإنفاق على التكلفة وجودة الفرص و الأرباح.
الميزانية مش بتزيد علشان الإعلان شكله شغال. لكن بتزيد بناءا علي ال Data.
08 / بعيدا عن ال Lead Generation
ممكن يكون عندك إعلان ممتاز، لكن جزء كبير من العملاء المحتملين يضيع بعد ما يضغطوا عليه.
وده معناه إن زيادة الإنفاق الإعلاني مش بالضرورة أفضل قرار.
علشان كده بنشتغل على 3 أجزاء أساسية.
بنراجع صفحات الهبوط، والرسائل، والـ Forms، والخطوات اللي العميل محتاج يعملها.
وبنحدد العوائق اللي بتمنعه من إرسال طلب أو حجز اجتماع أو إكمال الشراء.
في الـ B2B، قرار الشراء ممكن يحتاج وقت ومقارنات وموافقات من أكتر من شخص.
علشان كده بنبني استراتيجيات متابعة تساعد العميل يفهم القيمة اللي بنقدمها، ونتعامل مع اعتراضاته لحد ما يبقى جاهز ياخد قرار.
بنحلل فرص تكرار الشراء، وتجديد التعاقدات، وبيع منتجات أو خدمات إضافية مناسبة.
علشان نمو الشركة ميعتمدش بالكامل على اكتساب عملاء جدد كل شهر.
الهدف إننا نستفيد من كل فرصة بيع، مش بس نجيب فرصة جديدة ونسيبها.
09 / إزاي بنستخدم البيانات المالية
وده سبب إننا مش بنعتمد على الـ ROAS أو الإيرادات لوحدهم في تقييم النجاح.
بنربط نتائج التسويق بتكلفة الحصول علي العميل. وهوامش الربح، والتكاليف المرتبطة بالبيع والتشغيل.
وبنحلل الـ Unit Economics علشان نفهم المنتجات والشرائح والقنوات اللي بتضيف قيمة فعلية للبيزنس.
بنستخدم البيانات المالية للإجابة عن أسئلة مهمة.
بنقارن تكلفة الحصول علي العميل بالقيمة وهامش المساهمة اللي بنحققه من وراه.
بنراجع الـ Payback Period، خصوصًا لو فيه عقود متكررة أو دورة تحصيل طويلة.
بنقارن الفرص التجارية حسب التكلفة والهامش وإمكانية النمو.
بنراجع كفاءة الاكتساب، والقدرة التشغيلية، وتأثير التوسع على التدفقات النقدية والربحية.
النمو الحقيقي مش مجرد مبيعات أكتر. النمو الحقيقي إنك تكبر بطريقة ال Unit Economics تقدر تستحملها.
10 / إزاي بناخد قرارات
مش بنغير الحملات لمجرد إن النتائج اتحركت يوم أو يومين.
ومش بنزود الميزانية لمجرد إن تقرير الإعلانات فيه أرقام إيجابية.
بنبدأ بفهم التغير، وتحديد الاحتمالات، ومراجعة البيانات، وبعدها بنقرر الخطوة المناسبة.
مش هنبدأ بزيادة الميزانية.
هنراجع جودة العملاء، وسرعة المتابعة، ومعدلات التأهيل، وأسباب خسارة الصفقات.
وبناءً على التشخيص، ممكن نحتاج نغيّر الاستهداف أو الرسائل أو عملية التأهيل.
مش هنحتفل بانخفاض التكلفة تلقائيًا.
هنراجع الـ Cost per Qualified Opportunity، ونشوف إذا كانت الحملة بتوصل للشركات المناسبة فعلًا.
قبل ما نزود الإعلانات، هنراجع تجربة الموقع، والعرض، والرسائل، ومعدلات التحويل.
هنراجع ال CAC، و ال Product mix، وتكلفة التشغيل، والعائد الفعلي.
ممكن نحتاج نغيّر توزيع الميزانية بدل ما نزودها.
زيادة عدد الـ Leads وقتها ممكن تزود الفرص الضايعة بدل ما تزود المبيعات.
هنراجع القدرة الاستيعابية لفريق المبيعات، ونناقش أولويات المتابعة وتحسين التأهيل قبل التوسع.
الفكرة مش إننا نعمل تغييرات كتير. الفكرة إننا نعمل التغيير الصح بناءً على المشكلة الحقيقية.
11 / المبادئ اللي مينفعش نكسرها في الشغل
كل جنيه بنستثمره في التسويق لازم يكون وراه هدف، وفرضية، وطريقة واضحة للقياس.
12 / إزاي بننفذ التفكير دة
مش بنقف عند التحليل والتوصيات.
بنربط التشخيص والاستراتيجية والتنفيذ والقياس في منظومة واحدة من 8 مراحل:
نحلل السوق والبيزنس، ونحدد أهداف النمو والشرائح المستهدفة.
نحدد الرسائل والعروض والأفكار اللي هتقنع العملاء المناسبين.
ندير إنتاج المحتوى والمواد الإعلانية وفقًا للاستراتيجية.
نطلق الحملات ونختبر ونحسّن توزيع الميزانيات.
نحسن التحويل والمتابعة والاحتفاظ بالعملاء.
نربط النتائج بالإيرادات والتكاليف والربحية.
نوضح النتائج والقرارات والتغييرات المطلوبة.
نحسن الأداء ونزود الاستثمار في اللي بيشتغل و بيحقق نتائج.
كل مرحلة بتغذي اللي بعدها، والنتائج بترجع تساعدنا نطوّر الاستراتيجية من جديد.
THE OWNER’S MINDSET
قبل أي قرار، بنسأل نفس الأسئلة اللي صاحب الشركة محتاج يعرف إجابتها.
هنصرف ليه؟
إيه النتيجة اللي بنستهدفها؟
إيه اللي ممكن يمنعنا نحققها؟
إزاي هنقيس النجاح؟
وإمتى نقرر نكمل، أو نحسّن، أو نوقف؟
إحنا مش دورنا ننفذ إعلانات وخلاص. دورنا نفهم البيزنس، ونحدد الأولويات، ونبني وننفذ خطة تسويق، ونقيس تأثير قراراتنا على نمو الشركة.
لو شركتك عندها فريق مبيعات، وبتستثمر في التسويق علشان تجيب عملاء جدد، خلينا نتكلم.
في مكالمة مدتها 45 دقيقة، هنناقش أهداف شركتك، والتحديات اللي بتواجه التسويق والمبيعات، وإزاي MARJIN Growth System ممكن يساعدك.
نفهم البيزنس الأول، وبعدها نحدد إذا كنا مناسبين للشغل مع بعض.